Sjálfbær Þróun

Framleiðsluferli KeyNatura er nýstárlegt og sjálfbært. Við nýtum okkur vatns- og jarðvarmaorku ásamt hreinu lofti og vatni til þess að framleiða hreinar, heilnæmar afurðir með skilvirkum hætti. Við leggjum okkar lóð á vogarskálarnar í baráttunni við hlýnun jarðar með því að binda kolsýru í ræktuninni. Eina hliðarafurð hennar er hreint súrefni.

Smáþörungar eru vannýtt uppspretta næringarefna, próteina, fitu og trefja. Þótt þörungar séu á botni fæðukeðjunnar eru þessar vatnalífverur nauðsynlegar öllu öðru lífi á jörðinni þar sem þeir eru ábyrgir fyrir framleiðslu um helmings þess súrefnis sem verður til í andrúmsloftinu. Ásamt þessu hjálpa þeir til við að binda koltvísýring. Auk hans þurfa þörungar einungis ljós, vatn og örlitla næringu til þess að vaxa og dafna.

Framfarir í líftækni, nanótækni og verkfræði (bæði efna og vélaverkfræði) hafa umbylt umhverfisskilyrðum til ræktunar á örþörungum. Í framtíðinni munu þörungar í auknum mæli koma í stað annarra hefðbundinna matvæla, svo sem kjöt og fisk. Og þó örþörungar séu kannski ekki ennþá svarið við öllum áskorununum sem snerta sjálfbæra matvæla og orkuframleiðslu, þá munu þeir að líkum lætur bjóða upp á nýstárlegar, verðmætar vörur í framtíðinni.